تيجوا نفضفض باللى جوانا مع بعض شوية
ايه المانع يعنى
ما كل واحد فينا يقول اللى جواه
لو عاوز يبكى يبكى ايه المانع
لو عاوز يشكى يشكى ايه المانع
لو عاوز يحكى يحكى ايه المانع
لو عاوز يضحك يضحك ايه المانع
لو عاوز يصرخ يصرخ ايه المانع
ما تيجوا نعيشها زى ما هى
أنا عن نفسى بفكر كتير فى حالنا ومستقبلنا
واية لسة الزمان مخبيه لينا
مش بتفرق معايا نفسى كتير
بس بيفرق معايا حلم ببنيه طوبة طوبة
بحب ابنى كيان
بحب ابنى اسرة
بحب ابنى مجتمع
عشان نبنىمصر
وبعدها نبنى امة
مش مثالية دى خالص
بالعكس دا واقع
دا حلم
دا أمل
يالا انت كمان وانتى كمان فضفضى
بلاش تكتموا وتخبوا جواكم
بلاش اكتئاب
بلاش وحدة
بلاش تخنقوا نفسكم
فضفضوا وقولوا اللى جواكم
طيب بما انها مساحة للفضفضة
ردحذفأنا عايزة حاجة حلوة
الغريب بقى انى مش عايزة شوكلاتة كعادتى
عايزة حاجة حلوة تانية إيه هى بقى مش عارفة
أخيرآ لاقيت مكان ممكن اصرخ فيه بحريييييييييييييييييييييه
ردحذفميرسي بجد يارحاب
الفضفضة اجبارية علشان الواحد يكمل الحياة مرتاح
ردحذفشكرا لهذه المساحة واللفته الطيبة
أنا برضه مش بشيل نفسى الهم قوى .. لكن الهم هو اللى بيدور عليا بدبوس .. واثقه اوى إن بكره أحلى .. عشان كده بستناه وأنا متفائله .. وكمان عارفه أن الأسوأ لم يأت بعد .. وعشان كده مش بكتئب زياده عن اللزوم عشان لما ييجى الأسوأ مكنش أتدمرت مسبقاً وهزيله فى إستقباله.
ردحذفدى برضه مش فلسفه على فكره .. لكن عن نفسى .. بتنفع معايا كتير عشان مش أقع وأفضل واقفه.
أسعدنى المرور
حلو انه الواحد يجد مساحة للفضفضة .. لكن للاسف الكثير يفضل الصمت في هذه الايام من باب " كل واحد عنده همه بيكفيه " ..
ردحذفدمتم بخير بعيدا عن الاكتئاب والوحدة ..