بما اننا فى موسم امتحانات بقى قلت اشوف ذكرياتكم ايه مع المذاكرة والامتحانات فرصة نفضفض شوية عن الايام دى اللى اكيد كل واحد فينا له معها مواقف وحكايات وذكريات
أنا عن نفسى فاكر ايام امتحانات الكلية كان القطر دايما يتأخر أو ميجيش فنضطر نجرى ندور على ميكروباص ونتحايل على السواقين لحد ما حد يوافق يوصلنا وبنبقى بنسابق الوقت عشان معاد الامتحان والحمد لله ربنا كان بيستر معنا ونلحق ، صحيح كانت اعصابنا بتبقى باظت بس اهو قضى اخف من قضى
انتم بقى اخبار ايام الامتحانات معاكم ايه ؟
احكى كل ذكرى لك عشتها وافتكرتها لما قرأت البوست دا
انا في فترة امتحانات الترم كنت بنعزل عن العالم كله الا ما يخص الدراسه من اصدقاء وفاكر في اخر سنه انا ومجموعه من اصحابي اجرنا شقه قريبه من الكليه واعتزلنا عن اهلنا كمان كانت العلاقه معاهم تليفونات
ردحذفوده من سنين
تقبل تحياتي