عــــــــــــــيد أضحـــــــــــــي سعيــــــــــــد

كل سنة وانتم طيبييييييييين

وعيد سعيد عليكم

واهو من غير مبارك وعلاء وعز ونظيف

 بالراحة ف أكل اللحمة

خرفان عندها موااااااهب ....

لية ندبحها ....؟

متنسوش اننا بنستفيد من كل حاجة ف الخروووف

وكل سنة وانتم طيبييين

محمد ......رحاب

من هو الشخص....الاناني....؟

السلام عليكم....

ومساء الوروووود

أنا بتأسف  لشريكي وصديقي العزيز محمد متولي

لانه حمل علي طتفه هذه المدونة  بكل ما فيها

بشكره  وبعتذر له

بشكره لانه محسسني ان المدونة  بكل الوانها  بتاعتي وملكي لوحدي ....لانه مستخدم الواني المفضلة

وحتي محاولش يغير الاغنية اللي انا عملتها

بعتذر له عشان حاجات كتييير هو عارفها كويس

وبشكره علي سؤاله الدائم

....وانا حاسة اني شخص اناني اووي معاك يا " ابو معاذ "

 وبعد الشكر والاعتذار .....عندي سؤال

من هو الشخص الاناني....؟

من وجهه نظرك....؟

ويا تري ممكن تحكي موقف معين ....؟

.

.

.

رحاب

رحلة فى حوار

الكثير رحلوا ومازلت أبحث عن بداية الطريق

بداية الطريق .... بحث مستمر

اعتقد البداية والنهاية تتم ونحن نستمر فى البحث

البدايه صعبه ونهايتها اصعب وتكون اوقات أصعب وأمر

دوما كذلك هي الطرق يرحلون وتقابل غيرهم ويرحلون وتقابل غيرهم ولا يستمر في الطريق الا الصادق الصدوق

الحياة ممرات لعبورها نحتاج بجانبنا دوما صديق ناصح

الحياة ماهى اإلا مرحلة أنطلاق لكل ما هو جديد ونهايه لكل ماهو قد رحل وبقيت ذكرياته ويظل كل ما هو صادق ويذهب كل ماهو عزيز وغالى   

الحياة ذكرى قد تكون جميله وقد تكون سيئه فما علينا غير ان نتذكرها إما بالبكاء أو بالفرح

الحياة نقطة إنطلاق يتخللها نقطة رجوع وإنكسار

الحياة رحلة ينبغى ان نحسن استغلالها ونجهز متاعنا فالسفر طويل ولا ينبغى ان نمر على محطاتها ونتركها ونحن فارغى اليد

وعندما تجد الطريق ستبحث عن طريقة للهروب منه

دوما يا صديقى نحب التغير فالنفس تطمح الى كل ما هو جديد

اناشايف ان احنا كفايه علينا نعيشها زي ما احنا عايزين مش زي ما هي عايزه

محدش بيعيشها زى ما هو عاوز يا صاحبى دى خطوات مرسومة واحنا بنفذها والمهم ننفذ صح عشان مش دايما بتملك القرار ولا الاختيار

هو كلام نظري حلو بس الحقيقه ان احنا جزء من حياتنا ونتيجه لاختيارتنا اللي ليها الدور الكبير في رسم حيا

وفي فرق بين التسليم للقدر والتسليم للدنيا

صح يا صاحبى بس دايما اختيارنا بنكون شايفينه فى وقتها ان هو الاختيار الصح

           

رمضان كريم

كل عام انتم بخير 

اعاد الله علينا وعليكم هذه الايام بالخير واليمن والبركات

نتمنى لكم صوما مقبولا وافطارا شهيا وعملا خالصا وأجرا مضاعفا 

كل عام انتم الى الله أقرب 

كل سنة وانتى طيبة

تهنئة متاخرة بس معلش بقى سامحونى 

واحد يوليو عيد ميلاد صاحبة المدونة 

كل سنة وانتى طيبة وعقبال مليون سنة 

عيد ميلاد سعيد 

عيد ميلاد سعيد 

فضفض

تيجوا نفضفض باللى جوانا مع بعض شوية 

ايه المانع يعنى 

ما كل واحد فينا يقول اللى جواه 

لو عاوز يبكى يبكى ايه المانع

لو عاوز يشكى يشكى ايه المانع 

لو عاوز يحكى يحكى ايه المانع 

لو عاوز يضحك يضحك ايه المانع

لو عاوز يصرخ يصرخ ايه المانع 

ما تيجوا نعيشها زى ما هى 

أنا عن نفسى بفكر كتير فى حالنا ومستقبلنا 

واية لسة الزمان مخبيه لينا 

مش بتفرق معايا نفسى كتير 

بس بيفرق معايا حلم ببنيه طوبة طوبة 

بحب ابنى كيان 

بحب ابنى اسرة 

بحب ابنى مجتمع 

عشان نبنىمصر 

وبعدها نبنى امة 

مش مثالية دى خالص 

بالعكس دا واقع 

دا حلم 

دا أمل 

يالا انت كمان وانتى كمان فضفضى 

بلاش تكتموا وتخبوا جواكم 

بلاش اكتئاب 

بلاش وحدة 

بلاش تخنقوا نفسكم 

فضفضوا وقولوا اللى جواكم

هذا صديقي....الحقيقي

صديقك....كيف تختاره....؟

كيف  تم اختيارك له....؟

هل قابلته صدفة وقلت لنفسك ...سيكون هذا صديقي الانتيم

أم أنك رأيته لآول مرة فلم يعجبك ابدا وقلت لا ....مستحيل أن يكون هذا صديقي أبداااا

ثم.....برغم كل شيء أصبح صديقك.....الانتيم

مفهوم الصداقة إية....؟

بين بنت وبنت...بين ولد وولد

بين بنت وولد وبين ولد وبنت.....مفهومه ومعناه واحساسه إية.....؟

يا تري صديقك الحقيقي اللي عرفته طول عمرك

والا اللي بتعرفه من مواقفه معاك

والا ممكن يكون صديقك الي لسة تعرفه من وقت قليل بس حبه ليك وحبك ليه  خلاه صديقك الصدوق....

ويا  تري ممكن الصداقة الحقيقية بين ولد وبنت ...بدون ما يعكر صفوها علاقة شائبة...او علاقة حب....؟

يا تري صديقك بتعرف ازاي انه فعلا صديقك الانتيم....؟

سؤال غريب....!!!؟؟ جايز.....ممممم

بس فعلا يا تري ممكن شخص يحبك لله وف الله وبس .....؟

طب يا تري قابلت الشخص ده كام مرة ف حياتك.....؟

ويا تري انت كنت معاه بالمثل والا....؟

الثلاث أسئلة إجبارية......

واذا كنتم عايزيني أجاوب الاول ...ما في عندي مشكلة ....وبدون ذكر أسماء أو بذكر ....كل واحد يفضفض زي ما هو عايز

مستنياكم................يا أصحابي

احكيلى حلمك

كل واحد فينا عنده احلام كتير وامانى كبيرة بتفوق حدودها السما تيجوا نحكيها لبعض 

شقاوة

أنا كنت بعمل كدا وانا صغير انت كنت بتعمل ايه يالا احكى معايا وانتى كمان احكى شقاوتك

شـــــــــــــم النســـــــــــيم

كل سنة وانتم بخير

يا تري ذكرياتكم إية عن يوم شم النسيم

أيام الطفولة

الصبي

الشباب

حاليا

عايزين نعرف أرائكم....وتشرفنا تعليقاتكم

وبالنسبة لينا مش هنتكلم غير بعد كلامكم

وبعشق الورد جدا

كنت بحب تلوين البيض أوووي

بتفكرني زمان لما كنت مش احب اكل البيض واقولهم ده فيه......

ممممممممم


الللللللللللللللللللله مبروك وكل سنه وانتم بالف خير

انا بحب شم لبنسيم اوى بحس انه يوم مبهج جدااااااااااااا

بالرغماننا عمرنا ماخرجنا برا البيت فيه علشان الزحمه انما كان بابا الله يرحمه لازم يسلق بيض كتير ونقعد كلنا نلونه

وطبعا الفسيخ بقى والرنجه والبصل طول النهار هيصه

هههههههههههههههههههههههههههههههههه

ايام كانت كلها صفاء وسعاده
ربنا يجعل ايامكم كلها هنا

والف مبروك احلى كلام كلام اصحاب


richardCatheart 


مبرووووووووووووك

المدونه الجديده 

وكل سنه وانتوا

طيبين


محمود(باحث عن حب) 

كل سنه وانتم طيبين

أنا بئه كنت بحب الون البيض

وماما كانت تضارب معايا عشان هو مضر صحيا وكانت تقولى عايزه تغيرى لونه

حطيه فى مايه وهو بيغلى حطى معاه كركديه وهو لونه يغير وكده ميبئاش مضر

 بالصحه

داليـ ـ ـ ـ ـ ـ ــــا 

مبروووووووك

وكل سنه والجميع بخير

gogo!sf 

يااااااااااه

الف الف مبروك علي المدونه

وتعالي كلي بيض ملون عندنا

sony2000 

مبرووك ع المدونة عتبة خضرا ان شاء الله
شم النسيم عندي ياعني يابدع الورد اسمهان

حلاوة شمسنا وانا باكل البيض اللي بتخيل انه متلون

شم النسيم ياعني سعاد حسني الدنيا ربيع والجو بديع وقفل قف قفل قفل

لـــولا وزهـــراء

كل عام وانتم بخير
زمان كنا نعملها وانا عمري خمس سنين بس بعد كدة كبرنا 

خلص ورجعنا ع فلسطين 

بس انا مش عارفه دي مدونة كلمات ولا وحدة تانيه

فارسة بلا جواد 

مبرووووووووووك
احنا صعايده يا بوووووى معتدناش حد يطلع فى شم النسيم فى الزحمه لكن ديما ماما تصحى الصبح بدرى فى الفجر وتدش البصله قدام باب الشقه اصل دى عاده ومن العادات القديمه ده بجانب البيض الملون والقرص والملوحه والبصل وطبق الطحينه باليموووون واااااو متعه بجد
كل سنه وشعبنا الحبيب فى سعاده وسلام وامان

mrmr

ألف مبروك
قالب المدونة ده عزيز عليا قوى لأنه اول قالب لمدونتى لكن مدونيين كتيييييييييييير فضلوا ورايا لحد ما غيرته
ياريت تضمونى لأصحابكم

لميس

احنا بقى فى شم النسيم كنا كنا الصبح نلون البيض ونروح الجناين نشترى الورد ونعمل اشكال كتير من الورد والنعناع ونفضل نلف ونلعب ونفرح ونقابل اقاربنا وبيبقى يوم من اجمل ايام حياتنا 

ر ح لة ح ياه